Net voor ek groot skool toe gaan

Elke kind ontwikkel uniek – op sy of haar eie tempo. In hierdie klas skep ons ’n speel-leer omgewing waarin 3–5 jariges veilig, gelukkig en vol nuuskierigheid kan groei.

Hoekom hierdie fase belangrik is:

• Breinontwikkeling: Kinders begin vrae vra, onthou meer en verstaan eenvoudige konsepte.

• Voorbereiding vir Graad R: Hierdie jare lê die grondslag vir formele leer, konsentrasie, en onafhanklikheid.

• Sosiale vaardighede: Kinders leer spanwerk, deel, beurtneem en hoe om konflik positief te hanteer.

• Taalontwikkeling: Hulle bou vinnig aan hul woordeskat en leer om hulself duideliker uit te druk.

Wat gebeur in ons 3–5 jaar klas?

• Taalontwikkeling: Stories, liedjies, klankbewustheid en rympies.

• Wiskunde beginvaardighede: Telle, vorms, kleure, patrone en sorteer.

• Fyn motoriese vaardighede: Knip, inkleur, steekwerk, bou en hand-oog koördinasie.

• Groot motoriese aktiwiteite: Klim, spring, kruip, balgooi en speletjies.

• Kuns, musiek en kreatiewe spel – wat selfvertroue en uitdrukking aanmoedig.

• Speel-gebaseerde leer: Sensoriese spel, rollepel, buitespeel en ontdekking.

Ons dagroetine sluit in:

• Aankoms en vryspel

• Oggendkring / gebed

• Tematiese leeraktiwiteite

• Kuns of buitespel

• Ete- en rusperiodes

• Interaktiewe speletjies en stories

Wenke vir ouers van 3–5 jariges:

1. Moedig selfstandigheid aan – aantrek, opruim, self eet.

2. Praat en lees daagliks saam – taal is die sleutel tot leer.

3. Bou roetines tuis – kinders floreer op voorspelbaarheid.

4. Bly betrokke – vra wat hulle geleer het, en wees deel van hul reis.

5. Gee ruimte vir speel – dit is hoe hulle leer!

   
   

Gesondheid & veiligheid is vir ons ’n prioriteit:

• Daaglikse handewas en netheid.

• Speelareas en speelgoed word gereeld ontsmet.

• Persoonlike goed is gemerk en netjies hanteer.

• Kinders word fyn dopgehou vir enige siekte of ongemak.

• Emosionele welsyn – kinders word liefdevol begelei met gevoelens en sosiale situasies.

Ons doel:

Om elke kind met liefde, geduld en speelse leer te help groei tot ’n selfversekerde en skoolgereed kleuter – gereed vir Graad R én vir die wêreld!

-R Botha-