Die volgende fase
- Renate Pretsch
- Jun 5
- 2 min read
Kom ons bou voort op ’n sterk fondament van liefde, roetine en ontdekking. Hierdie ouderdom is ’n tyd van groeiende onafhanklikheid, baie vrae, en eerste vriendskappe – en ons is hier om elke stap te ondersteun.
Hoekom is hierdie fase so belangrik?
Groot ontwikkelingspronge: Tussen 2 en 3 jaar ontwikkel taal, motoriese vaardighede en selfstandigheid vinnig.
Kognitiewe ontwikkeling: Kinders begin redeneer, name onthou, kleure herken en eenvoudige instruksies volg.
Emosionele groei: Hulle begin hul emosies uitdruk, frustrasie hanteer en empatie toon.
Sosiale interaksie: Speel saam en leer deel – al is dit soms moeilik!
Wat bied ons in hierdie groep?
Temagebaseerde leer deur spel, kuns, musiek en beweging.
Sensoriese aktiwiteite soos speel met sand, water, slym en verf.
Daaglikse taalontwikkeling – liedjies, rympies, stories en praatjies.
Buitespel om groot motoriese vaardighede te ontwikkel: klim, spring en balvaardighede.
’n Gebalanseerde roetine van speel, leer, eet en rus.
Fokus op selfstandigheid: leer eet met ’n lepel, was hande, opruim en soms selfs potty training.
Wenke vir ouers van 2–3 jariges:
Wees konsekwent met roetine by die huis en by die skool.
Bevorder taal – praat baie saam, vra vrae en luister na hul stories.
Moedig selfdoen aan – gee hulle kans om eenvoudige take self te probeer.
Goeie slaap is belangrik – probeer ’n vaste slaaptyd tuis handhaaf.
Wees geduldig – hulle toets grense, maar leer konstant.
Hoe hou ons hulle gesond en veilig?
🧽 Speelareas en speelgoed word daagliks skoongemaak en ontsmet.
👩⚕️ Kinders se gesondheid word daagliks gemonitor – ons hou jou op hoogte.
🍎 Voeding is gebalanseerd en verrykend – ons moedig gesonde eetgewoontes aan.
🚽 Potty training ondersteuning in samewerking met ouers.
👀 Klein klasgroepe met noue toesig en persoonlike aandag.
Ons visie:
Om elke kind se unieke persoonlikheid te koester, selfvertroue te bou en 'n liefde vir leer te kweek – alles deur speelse, betekenisvolle ervarings.
-R Botha-
Comments